Ауа райы қолайсыздығынан бес автожол учаскесінде қозғалыс шектелді

Қар жауып, көктайғақ болуына байланысты республикалық және облыстық маңыздағы бірнеше автожол учаскесінде көлік қозғалысына шектеу қойылды. Бұл туралы Төтенше жағдайлар министрлігі хабарлады.

Шығыс Қазақстан облысында үш бағыт жабылды: «Өскемен – Алтай – Үлкен Нарын – Катонқарағай – Рахман қайнары», «Өскемен – Риддер – РФ шекарасы» және «Өскемен – Тарғын – Самарское».

Сонымен қатар ШҚО мен Қарағанды облысы аумағында өтетін екі учаскеде де қозғалыс тоқтатылды: «Алматы – Талдықорған – Өскемен – Шемонаиха – РФ шекарасы» және «Қарағанды – Аягөз – Тарбағатай – Бұғаз».

ТЖМ жүргізушілерді ауа райы жағдайын ескеруге, енгізілген шектеулерді сақтауға және жабық жол учаскелеріне шықпауға шақырады.