ТЖМ авиациясы Павлодардан Астанаға науқасты жеткізді

Төтенше жағдайлар министрлігінің авиациясы санитариялық авиация қызметі аясында Павлодар – Астана бағыты бойынша шұғыл рейс жасады. 1953 жылы туған ер адамға мамандандырылған медициналық көмек қажет болғандықтан, оны елордадағы медициналық мекемеге жедел жеткізу туралы шешім қабылданды.

Ұшу кезінде науқастың жағдайы медицина мамандарының бақылауында болды. Астанаға келген соң ер адам одан әрі ем қабылдап, медициналық бақылауда болуы үшін дәрігерлерге тапсырылды.