Трамп Ресей-Украина келіссөздерінде ілгерілеушілік бар деп мәлімдеді
АҚШ президенті Дональд Трамп Ресей мен Украина арасындағы қақтығысты бейбіт жолмен шешу бойынша келіссөздерде айтарлықтай ілгерілеушілікке қол жеткізілгенін хабарлады. Бұл туралы ол өзінің Truth Social әлеуметтік желісіндегі парақшасында жазды.
«Мен Ресей мен Украина арасындағы соғысты тоқтату және бейбітшілікке қол жеткізу жөнінде келіссөздер жүргізіп жатырмын. Ресейді келіссөздер үстелінен алыстатуы мүмкін орынсыз әрекеттер жасағым келмейді. Айтарлықтай ілгерілеушілік бар», – деп жазды Трамп.
АҚШ президенті келіссөздердің нақты нәтижелері мен қол жеткізілген ілгерілеушіліктің егжей-тегжейін жарияламады.
