Экологиялық бастама 6,9 миллион қазақстандықты біріктірді
«Таза Қазақстан» бастамасы 6,9 млн адамды біріктірді. Жыл басынан 753 іс-шара өткізіліп, 295 балабақша мен 158 мың сынып сағаты қамтылды.
«Таза Қазақстан» жалпыұлттық экологиялық бастамасына ел бойынша 6,9 миллионнан астам адам қатысты. Жыл басынан бері 753 экологиялық іс-шара ұйымдастырылып, оған азаматтар, еріктілер, жастар, мемлекеттік органдар, бизнес және қоғамдық ұйымдар өкілдері тартылды.
Бастаманың маңызды бөлігі – ерте жастан экологиялық мәдениетті қалыптастыру. «Жасыл балабақша» жобасы аясында экологиялық бағыттағы 295 мектепке дейінгі ұйым құрылды, ал мектептерде экологиялық тәрбие бойынша 158 мыңнан астам сынып сағаты өткізілді.
Қоғамдық экологиялық бақылау белсенді дамып келеді. TazaQazBot Telegram-чат-боты арқылы санитарлық жағдай және аумақтарды абаттандыру мәселелері бойынша 59,6 мың өтінім келіп түсті.
«Таза Қазақстан» – бұл жай ғана экологиялық акциялар емес, тазалыққа, табиғатқа жауапкершілікпен қарауға және экологиялық мәдениетті қалыптастыруға деген ортақ ұмтылыс.
