Таразда көпқабатты үй балконы өртеніп, 23 адам эвакуацияланды
Тараз қаласындағы «Жансая» шағынауданында бес қабатты тұрғын үйдің үшінші қабатындағы пәтер балконы өртенді.
Өрт үшінші қабаттағы балконнан басталып, төртінші және бесінші қабаттардың балкондарына тараған.
Өрт сөндіру кезінде үшінші қабаттағы пәтерден бір ер адам құтқарылды. Қазіргі уақытта ол жедел медициналық жәрдем бригадасының бақылауында.
Сонымен қатар, ТЖД қызметкерлері баспалдақ арқылы 23 адамды, оның ішінде 8 баланы эвакуациялады.
