Шымкенттегі дендропаркте жасөспірім пышақ жарақатымен ауруханаға түсті

Шымкенттегі Дендропаркте жасөспірімге пышақ жарақаты салдарынан медициналық көмек қажет болды. Оқиға 17 тамыз күні кешке, тағам сататын дүңгіршектердің бірінің маңында тіркелген.

Полиция бұл факті бойынша қылмыстық іс қозғады. Құқық қорғау органдарының мәліметінше, оқиғаға қатысушылар анықталып, жарақат алған жасөспірім ауруханаға жеткізілген. Қазіргі уақытта тергеу амалдары жүргізілуде.

Сонымен қатар, жасөспірімдердің заңды өкілдерін балаларды тәрбиелеу және олардың қауіпсіздігін қамтамасыз ету міндеттерін тиісінше орындамағаны үшін жауапкершілікке тарту мәселесі қарастырылуда. Тексеру қорытындысы бойынша оқиғаға қатысы бар барлық тұлғалардың әрекетіне құқықтық баға беріліп, тиісті шаралар қабылданады.