Нұрсұлтан Жақсыгенге 3 жыл бас бостандығынан айыру сұралды

Актер Нұрсұлтан Жақсыгенге қатысты сот отырысында мемлекеттік айыптаушы оны 3 жылға бас бостандығынан айыруды сұрады. Бұл туралы журналист Руслан Өтепбай хабарлады.

Айыптау тарапы актердің бұрынғы әйелі туралы әлеуметтік желіде жағымсыз ақпарат таратып, оның ар-намысы мен қадір-қасиетіне нұқсан келтірді деп есептейді. Сот барысында бұрынғы жұбайы туралы жарияланған жазбалар мен айтылған сөздер қаралып жатыр.

Нұрсұлтан Жақсыген өз атынан фейк парақша ашылғанын мәлімдеп, тағылған айыпты жоққа шығарды. Әзірге сот үкімі шыққан жоқ.