Қазгидромет 9 қыркүйекке арналған дауылды ескерту жариялады

Қазгидромет 9 қыркүйекте елдің бірқатар өңірінде ауа райының қолайсыздығына байланысты дауылды ескерту жасады. Синоптиктердің мәліметінше, кейбір аймақтарда жаңбыр мен найзағай күтілсе, кей жерлерде нөсер, бұршақ және екпінді жел соғады. Сонымен қатар, көптеген облыста өрт қаупі жоғары немесе төтенше деңгейде сақталады.

Астанада жоғары өрт қаупі тіркелді. Ақмола облысының батысында күндіз жаңбыр мен найзағай болжанады, ал батыс, солтүстік және оңтүстік аймақтарда шаңды дауыл тұруы мүмкін. Желдің екпіні күндіз солтүстік пен батыста 15-20 м/с жетеді. Көкшетауда желдің екпіні 15 м/с-қа дейін жетіп, жоғары өрт қаупі сақталады.

Солтүстік Қазақстан облысының батысы мен оңтүстігінде күндіз жаңбыр, найзағай, бұршақ, екпінді жел және шаңды дауыл болады. Түнде және таңертең батыста тұман түсуі мүмкін. Желдің екпіні түнде батыс пен оңтүстікте 15-20 м/с, күндіз 25 м/с-қа дейін жетеді. Петропавлда күндіз оңтүстік-шығыстан жел соғады.

Қостанай облысының оңтүстігінде түнде жаңбыр мен найзағай, күндіз солтүстік, шығыс және оңтүстікте жаңбыр күтіледі. Желдің екпіні батыс пен солтүстікте 15-20 м/с жетеді. Өрт қаупі солтүстік-батыста жоғары, ал оңтүстік, оңтүстік-шығыс және орталықта төтенше деңгейде. Қостанайда күндіз жаңбыр мен найзағай болады.

Павлодар облысының орталығында, сондай-ақ Павлодар қаласында жоғары өрт қаупі сақталады. Қарағанды облысының батысы мен оңтүстігінде күндіз желдің екпіні 15 м/с жетеді, ал батыс, солтүстік, шығыс және орталықта жоғары өрт қаупі бар. Ұлытау облысының батысы мен оңтүстігінде күндіз жаңбыр мен найзағай, ал Жезқазғанда желдің екпіні 15-20 м/с болады, төтенше өрт қаупі сақталады.

Шығыс Қазақстан облысының шығысы, оңтүстігі және таулы аудандарында таңертең және күндіз жаңбыр мен найзағай күтіледі. Жел солтүстік-шығыстан оңтүстік-шығысқа ауысып, екпіні 15-20 м/с жетеді. Абай облысының оңтүстігінде күндіз аздаған жаңбыр, ал шығыс пен оңтүстікте желдің екпіні 15-20 м/с болады. Жетісу облысы мен Талдықорғанда жоғары, ал облыстың оңтүстігі мен шығысында төтенше өрт қаупі сақталады.

Жамбыл облысының таулы аудандарында күндіз желдің екпіні 15-20 м/с жетеді, төтенше өрт қаупі бар. Таразда да жағдай осындай. Түркістан облысының батысы мен таулы аудандарында күннің екінші жартысында өткінші жаңбыр мен найзағай, ал батыс пен солтүстікте шаңды дауыл болады. Шымкент пен Түркістанда төтенше өрт қаупі сақталады.

Қызылорда облысының солтүстігі мен орталығында жаңбыр мен найзағай, шығысында шаңды дауыл күтіледі. Облыс бойынша төтенше өрт қаупі жарияланды. Ақтөбе облысының солтүстігі мен орталығында күндіз жаңбыр мен найзағай, түнде және таңертең тұман болжанады. Ақтөбеде де жаңбыр мен найзағай, тұман күтіліп, төтенше өрт қаупі сақталады.

Атырау облысының оңтүстігі мен шығысында жаңбыр мен найзағай, ал солтүстік пен шығыста тұман болжанады. Атырауда кей уақытта жаңбыр мен найзағай ойнап, төтенше өрт қаупі сақталады. Маңғыстау облысының батысы мен солтүстігінде жаңбыр мен найзағай, ал Ақтауда да осындай ауа райы күтіледі. Батыс Қазақстан облысында жаңбыр, найзағай, күндіз солтүстік пен шығыста бұршақ және екпінді жел болады. Оралда жаңбыр, найзағай, күндіз бұршақ жауып, жел күшейеді.