«Астана» «Оқжетпесті» жеңіп, «Елімай» «Ертісті» тізе бүктірді
Қазақстан Премьер-лигасының 21-турында «Астана» «Оқжетпесті» 2:1, «Елімай» «Ертісті» 3:1 есебімен жеңді, «Атырау» мен «Ақтөбе» тең түсті.
9 тамыз күні Қазақстан Премьер-лигасының 21-туры аясында үш кездесу өтті. «Астана» өз алаңында «Оқжетпесті» қабылдап, 2:1 есебімен жеңіске жетті.
Қонақтар сапынан 20-минутта Борис Лотоцкий есеп ашты. Алайда 28-минутта Карло Бартолец таразы басын теңестіріп, 40-минутта Марин Томасов «Астананы» алға шығарды. Осы есеп матч соңына дейін сақталды.
«Елімай» мен «Ертіс» арасындағы ойын
Семейде «Елімай» «Ертісті» 3:1 есебімен ұтты. Алаң иелері сапынан Иван Свиридов 73-минутта есеп ашты. 77-минутта Мамыр Миттендорфер өз қақпасына гол соғып, есеп 1:1 болды. Кейін Акмаль Бахтияров 80-минутта, ал Мирас Оматай 90+2 минутта гол соғып, «Елімайдың» жеңісін бекітті.
«Атырау» мен «Ақтөбе» тең түсті
Ал «Атырау» мен «Ақтөбе» 1:1 есебімен тең тарқасты. 37-минутта Максимович «Атырауды» алға шығарса, 75-минутта Соса «Ақтөбенің» жауап голын соқты.
