Қазақстан әйелдер құрамасы Азия чемпионатында Аустралияны жеңді

Қазақстанның әйелдер волейбол құрамасы Қытайдың Тяньцзинь қаласында өтіп жатқан Азия чемпионатында екінші ойынын өткізді. Бұл жолы қарсылас Аустралия командасы болды.

Кездесу қазақстандық спортшылардың толық басымдығымен өтіп, есеп 3:0 (25:21, 25:18, 25:21) болды. Осылайша, ұлттық құрама турнирдегі алғашқы жеңісіне қол жеткізді.

Еске сала кетейік, бұған дейін Қазақстан құрамасы алғашқы матчында Индонезияға 0:3 есебімен есе жіберген еді.

ҚР ҰОК мәліметінше, келесі ойында қазақстандық волейболшылар 25 тамызда Таиланд құрамасымен кездеседі.