Қазақстан жасөспірімдері Азия кубогынан төрт медаль жеңіп алды

Түркістанда өтіп жатқан триатлоннан Азия кубогы кезеңінде Қазақстан жасөспірімдер құрамасы төрт медаль жеңіп алды. Бұл — ел спорты үшін маңызды жетістік.

Ерлер арасындағы жарыста Рамазан Әйнегов 21:59 нәтижесімен бірінші орынды иеленіп, алтын медальға қол жеткізді. Гор Депершмидт 22:04 көрсеткішімен екінші орынға тұрақтаса, Ресей спортшысы Илья Зотов 22:12 нәтижемен үздік үштікті түйіндеді.

Қыздар арасындағы бәсекеде Алуа Нұрмұхамет 25:26 уақыт нәтижесін тіркеп, алтын жүлдеге ие болды. Калерия Шнайдер 25:48 нәтижемен екінші орын алса, Ресейлік Алёна Лопатина 25:50 көрсеткішімен үшінші орынға табан тіреді.

Айта кетейік, бір күн бұрын ересектер арасындағы жарыста Арлан Жаңабай күміс медаль жеңіп алған еді. Бұл жетістіктер қазақстандық триатлоншылардың халықаралық деңгейдегі бәсекеге қабілеттілігін көрсетеді.