Қасым-Жомарт Тоқаев Еуропалық Кеңес басшысымен телефон арқылы сөйлесті

Мемлекет басшысы Еуропалық Кеңес Президенті Антониу Коштамен телефон байланысын жүзеге асырды. Бұл туралы Ақорда мәлімдеді.

Сұхбат барысында Қазақстан мен Еуропалық Одақ арасындағы өзара іс-қимылдың маңызды бағыттары талқыланды. Тараптар стратегиялық серіктестіктің даму қарқынына қанағаттанушылық білдірді.

Әңгімелесуде Мемлекет басшысының маусым айында Брюссельге жасаған сапары кезінде қол жеткізілген келісімдерді жүзеге асыруға ерекше мән берілді.