Ходжавендте мина жарылысынан үш адам зардап шекті

Әзербайжанның Ходжавенд ауданындағы Гызылгая ауылының аумағында мина жарылысы салдарынан үш адам жарақат алды. Бұл туралы Әзербайжан ІІМ, Бас прокуратура және Минасыздандыру агенттігінің (ANAMA) бірлескен мәлімдемесінде хабарланды.

Алдын ала мәліметтерге сәйкес, Газах ауданының 65 жастағы тұрғыны Эльчин Аббасов басқарған бульдозер әлі минадан тазартылмаған аумақта жарылғыш затқа тап болған. Жарылыс салдарынан Товуз ауданының тұрғындары – 37 жастағы Санан Фараджов пен 23 жастағы Фуад Ахмедов зардап шекті.

Бастапқы деректерде үшінші зардап шегуші туралы да айтылады, алайда оның есімі мен жеке мәліметтері әзірге нақтыланбаған. Оқиға бойынша Ходжавенд аудандық прокуратурасы тергеу амалдарын жүргізіп жатыр.

ANAMA, ІІМ және Бас прокуратура азаматтарды қауіпсіздік ережелерін қатаң сақтауға, ескерту белгілеріне мән беруге, күдікті заттарға жақындамауға және белгісіз немесе қоршалған аумақтарға кірмеуге шақырады.

Бұған дейін Әзербайжанда әскери тапсырманы орындау кезінде жарылыс болып, екі сарбаз минаға түскені хабарланған болатын.