«Бернли» Лига кубогынан шығып қалды: Сәтпаев 80 минут ойнады

Англия лига кубогының үшінші кезеңінде «Бернли» «Брэдфорд Ситиден» ұтылып, турнирден шығып қалды. Қазақстан құрамасының шабуылшысы Дастан Сәтпаев алаңда 80 минут өнер көрсетті.

Кездесу негізгі уақытта голсыз аяқталды. Сәтпаев қақпаға екі рет соққы жасағанымен, екеуі де нысанаға дәл тимеді. Sofascore порталы қазақстандық футболшының ойынын 7,0 баллмен бағалады.

90 минут ішінде есеп өзгермеген соң, жеңімпаз пенальти сериясында анықталды. Мұнда «Брэдфорд Сити» футболшылары дәлірек ойнап, 4:2 есебімен басым түсті.

Осылайша «Бернли» Лига кубогындағы жолын аяқтады. Енді команда Англия кубогында бақ сынайды. Бұл турнирді «Бернли» үшінші кезеңнен бастайды, ойындар 2027 жылдың 9 қаңтарында өтеді.