Астанадағы жүзу әлем кубогінде қазақстандықтар финалда өнер көрсетті
Астанадағы жүзу әлем кубогінің екінші күнінде Глеб Коваленя 50 м еркін стильде 21,22 секундпен бесінші орын алды, таңертеңгі нәтижесін жақсартты.
Астанада өтіп жатқан жүзуден әлем кубогы кезеңінің екінші жарыс күнінде қазақстандық жүзушілер финалдық сайыстарда бақ сынады. Глеб Коваленя 50 метрге еркін стильде жүзуде 21,22 секунд нәтиже көрсетіп, бесінші орынға тұрақтады. Бұл көрсеткіш оның таңертеңгі іріктеу кезеңіндегі 21,31 секундтық уақытынан жақсырақ.
100 метрге баттерфляй әдісімен жүзуде Әділбек Мусин 51,32 секундпен жетінші орынды иеленді. Максим Сказобцов осы қашықтықты 51,57 секундта жүзіп, тоғызыншы орынға тұрақтады.
200 метрге брасс әдісімен жүзуде Айбат Мырзамұратов 2 минут 7,34 секунд нәтижемен сегізінші орын алды. 100 метрге кешенді жүзуде Егор Попов 54,68 секунд көрсеткішпен тоғызыншы орыннан көрінді.
Әйелдер арасында Софья Сподаренко 100 метрге баттерфляй әдісімен жүзуде 59,66 секунд нәтиже тіркеп, оныншы орынға ие болды.
