Астанада тамыз айында ауыл шаруашылығы жәрмеңкесі өтеді
Астанада 22-23 тамызда ауыл шаруашылығы жәрмеңкесі өтеді. Фермерлер мен өндірушілер өнімдерін ұсынады. Іс-шара Keryen Joly сауда орталығында өтеді.
Елордада 22-23 тамыз күндері ауыл шаруашылығы өнімдерінің кезекті жәрмеңкесі ұйымдастырылады. Бұл туралы қала әкімдігінің ресми сайты хабарлады.
Жәрмеңкеге еліміздің түкпір-түкпірінен фермерлер мен өндірушілер өз өнімдерін алып келеді. Қала тұрғындары мен қонақтары көкөніс, жеміс-жидек, ет, ұн, сүт өнімдері, нан-тоқаш, табиғи шырындар, тосап, джем және басқа да азық-түліктерді қолжетімді бағамен сатып ала алады.
Іс-шара Keryen Joly сауда орталығының аумағында сағат 10:00-ден 19:00-ге дейін өтеді.
Жәрмеңкеге барушылар үшін №7, 11, 39, 41, 45, 53, 59, 81, 307, 317 автобус бағыттары қатынайды.
