Әл-Фараби атындағы ҚазҰУ-да «Таза Қазақстан» сенбілігі өтті

Әл-Фараби атындағы Қазақ ұлттық университетінің аумағында «Таза Қазақстан» экологиялық акциясы аясында сенбілік ұйымдастырылды. Тазалық шарасына оқу орнының студенттері мен оқытушы-қызметкерлері белсенді қатысып, университет аумағын абаттандыруға үлес қосты.

Қатысушылар белгіленген аумақтарда тазалық жұмыстарын жүргізіп, оқу ғимараттары мен жатақханалардың маңын ретке келтірді. Жерге түскен жапырақтар мен қоқыстарды жинап, ағаштардың түптерін қопсытты.

Сенбілік барысында қатысушылар қоршаған ортаны таза ұстаудың маңыздылығын атап өтіп, экологиялық мәдениетті қалыптастыруға бағытталған бастамаларды қолдады. Мұндай шаралар білім алушылардың табиғатқа жанашырлықпен қарауына, қоғамдық орта тазалығын сақтауға және туған жерге деген жауапкершілігін арттыруға ықпал етеді.