Мадина Сәдуақасова сынға жауап беріп, концерті туралы айтты
Әнші Мадина Сәдуақасова әлеуметтік желіде сырт келбетіне қатысты айтылған сынға жауап қайтарды. Бұған дейін оның Ахтамбек Юлдашевтың үйінде дастарқан басында билеп жүрген видеосы тараған болатын. Желі қолданушылары әншінің артық салмақ қосқанын айтып, биін де сынға алған еді.
«Ахтамбек атамыздың үйінде билеп жүрген видеода толық болып көрініп, барлығыңыз маған сын жазып жатырсыздар. Негізі ондай қатты толық емеспін. Атамыздың үйіне хал-жағдайын сұрап кіріп шықтық», – деді әнші.
Сонымен қатар Мадина Сәдуақасова шығармашылық жоспары туралы айтты. Оның айтуынша, 9 қарашада Шымкент қаласында Ахтамбек Юлдашевтың концерті өтеді. Әнші сол кеште өнер көрсетеді.
