Мақпал Жүнісова марқұм жолдасының 2002 жылғы видеосын жариялады

Халық әртісі, әнші Мақпал Жүнісова әлеуметтік желідегі парақшасында марқұм жолдасы Заманбек Нұрқаділовтің бұрынғы видеосын жариялады.

Әнші бұл бейнежазба 2002 жылы қызы Мерейдің шілдеханасында түсірілгенін айтты.

«Мерейдің шілдеханасынан естеліктер», – деп жазды ол.

Желі қолданушылары бейнежазбаны жылы қабылдап, естелік айтты.

«Ағамыздың шынайы болмысы осы видеода. Үлкені-кішісі, бастығы-өнер адамы — бәріне бірдей қарап, көңілі көлдей болып, күліп, құшағын ашып қарсы алатын», «Қандай жақсы адам болған, кішкентай балаларды да құрметпен қарсы алып жатыр, мен әкіммін деп шіреніп тұрған жоқ», «Есімізде осы әдемі дауысы мен жарқын бейнесімен қалды», «Қандай күшті естелік, кино көргендей қарап отырмын», – деп жазды оқырмандар.