Наурызбай ауданындағы жаңа саябақ ашылуға дайын

Алматының Наурызбай ауданында Alem Park маңынан 1 гектар жерге салынған жаңа саябақты абаттандыру жұмыстары аяқталуға жақын.

Көгалдандыруға баса назар аударылды: мұнда 200 ірі ағаш, 85 қылқан жапырақты ағаш, шамамен 30 мың бұта және 1,5 мың раушан гүлі отырғызылды. Өсімдіктерді күту үшін автоматты суару жүйесі орнатылды.

Саябақта жаяу жүргіншілер жолдары төселді, орындықтар мен жарық шамдары қойылды. Сонымен қатар субұрқақ, «Отбасы» композициясы, перголалар және балалар ойын алаңы жоспарланған.

Бұл жаңа қоғамдық кеңістік Наурызбай ауданындағы тағы бір жайлы демалыс орнына айналмақ әрі көгалдандырылған аумақ көлемін ұлғайтады.

Қазіргі уақытта абаттандыру жұмыстары соңғы кезеңде жүргізілуде. Саябақты тұрғындарға алдағы күндері ашу жоспарланып отыр.