Астана уақытымен 23:08-де Қазақстанда жер сілкінісі болды

6 қыркүйекте Астана уақытымен сағат 23:08-де Қазақстан аумағында жер сілкінісі тіркелді. Бұл туралы Төтенше жағдайлар министрлігі хабарлады.

Жерасты дүмпуінің ошағы Алматы қаласынан солтүстік-шығысқа қарай 875 шақырым жерде орналасқан. Сейсмикалық оқиғаны ТЖМ «Сейсмологиялық зерттеу және ақпарат ұлттық ғылыми орталығы» ЖШС-нің сейсмикалық станциялар желісі тіркеген.

Есептік қарқындылығы Шығыс Қазақстан облысының Үлкен Нарын ауылында 2 баллды құрады.

Зардап шеккендер немесе қираулар туралы ақпарат әзірге жоқ.