Қазгидромет 6 қыркүйекке арналған ауа райы ескертуін жариялады
Қазгидромет 6 қыркүйекке арналған ауа райы ескертуін жариялады. Бірнеше өңірде тұман, найзағай, шаңды дауыл және өрт қаупі күтіледі.
«Қазгидромет» РМК синоптиктері 6 қыркүйекте елдің бірнеше өңірінде қолайсыз ауа райына байланысты ескерту жасады.
Атырау облысының батысында аздаған жаңбыр мен найзағай күтіледі. Оңтүстік-батыстан жел соғады, күндіз облыстың батысы мен солтүстігінде екпіні 15-18 м/с жетеді. Облыс бойынша төтенше өрт қаупі сақталады.
Ақтөбе облысында оңтүстік-батыстан жел соғады, күндіз облыстың солтүстігінде екпіні 15-18 м/с болады. Облыстың солтүстік-шығысы мен солтүстік-батысында жоғары өрт қаупі, ал облыс бойынша төтенше өрт қаупі сақталады.
Батыс Қазақстан облысының батысы мен солтүстігінде жаңбыр, найзағай күтіледі. Жел оңтүстік-батыстан соғады, күндіз облыстың батысында, солтүстігінде және шығысында екпіні 15-20 м/с жетеді. Төтенше өрт қаупі сақталады.
Ақмола облысының батысы мен оңтүстігінде жоғары өрт қаупі күтіледі. Алматы облысының оңтүстігінде және таулы аудандарында тұман болжанады. Облыстың орталығында, батысында және шығысында төтенше өрт қаупі сақталады.
Жамбыл облысының оңтүстік-батысында, солтүстік-шығысында және таулы аудандарында желдің екпіні 15-20 м/с жетеді. Абай облысының солтүстігінде тұман күтіледі. Шығыс Қазақстан облысының солтүстігінде тұман, ал таулы аудандарында түнде 1 градус үсік болуы мүмкін.
Қызылорда облысының орталығы мен шығысында шаңды дауыл күтіледі. Жел солтүстік-шығыстан соғады, күндіз екпіні 15-20 м/с жетеді. Қарағанды облысының солтүстігі мен орталығында жоғары өрт қаупі сақталады.
Солтүстік Қазақстан облысының батысы мен оңтүстігінде тұман күтіледі. Маңғыстау облысының батысында аздаған жаңбыр, найзағай және тұман болжанады. Павлодар облысының солтүстігінде жоғары өрт қаупі күтіледі.
