Түркістандағы №14 мектеп оқушылары жаңа ғимаратта оқу жылын бастады
Түркістан қаласындағы Қазыбек би атындағы №14 жалпы білім беретін мектептің оқушылары биылғы оқу жылын жаңа ғимаратта қарсы алды.
1 қыркүйек – Білім күніне орай ұйымдастырылған алғашқы қоңырау салтанатына қала әкімі Әзімбек Пазылбекұлы қатысып, ұстаздар мен шәкірттерге жаңа оқу жылына арналған құттықтауын жеткізді.
Биыл қала бойынша 84 мектепте 61 мыңнан астам оқушы білім алады. Оның ішінде 5505 бүлдіршін мектеп табалдырығын алғаш рет аттап отыр.
