Тұрмыс құрғанына екі ай болған Асиманың қазасы: туыстары жауап іздеп жатыр

Тұрмыс құрғанына небәрі екі ай болған Асиманың қазасына қатысты туыстары бірқатар сұраққа жауап іздеп отыр. Олардың айтуынша, марқұм артында «Маған бірдеңе болса, енем кінәлі» деген мазмұнда хат қалдырған.

Жақындары істің барлық мән-жайы толық әрі әділ зерттелуін талап етуде. Олар ешкімді сот шешімінсіз кінәлі деп жариялауға болмайтынын атап өтті. Дегенмен марқұмның соңғы жазбасы тергеу барысында мұқият қаралып, онда көрсетілген жайттарға құқықтық баға берілуі қажет деп санайды.

«Асиманы бұл қадамға не итермеледі? Оған қысым көрсетілді ме? Хатта айтылған жайттардың шындығы қандай?» – деген сұрақтарды марқұмның жақындары көтеріп отыр. Олар істің барлық дерегі жан-жақты тексеріліп, шындықтың анықталғанын қалайды.