Шерзод Давлатов Grand Slam жартылай финалында жеңіліп, қола үшін күреседі
Лозаннада өтіп жатқан Grand Slam турнирінде Қазақстан құрамасының дзюдодан өкілі Шерзод Давлатов жартылай финалда жеңіліс тапты.
60 келіге дейінгі салмақ дәрежесіндегі жартылай финалда отандасымыз оңтүстіккореялық Харим Лиден ұтылып қалды.
Енді Шерзод Давлатов қола жүлде үшін өтетін белдесуде өзбекстандық Самариддин Кучкаровпен кездеседі.
ҚР ҰОК мәліметінше, 66 келіге дейінгі салмақта Ақылжан Жұбатқанов жұбаныш белдесуінде оңтүстіккореялық Чханен Кимге есе жіберді.
Финалдық кезең бүгін Астана уақытымен сағат 20:00-де басталады.
