Қазақстанда 74 теміржол вокзалы жаңғыртылды
Қазақстанда 124 теміржол вокзалын жаңғырту бағдарламасы аясында 74 нысанда жұмыс аяқталды. Жаңарту жұмыстары инфрақұрылымды кешенді жаңғыртуды қамтиды.
Қазақстанның өңірлерінде теміржол вокзалдарының инфрақұрылымын жаңғырту жұмыстары жалғасуда. Бұл — Мемлекет басшысы Қасым-Жомарт Тоқаевтың тапсырмаларын орындау аясында жүзеге асырылып жатқан ауқымды бағдарламаның бір бөлігі.
Бағдарлама бойынша барлығы 124 теміржол вокзалын жаңғырту жоспарланған. Бүгінгі таңда 74 нысанда қайта жаңғырту жұмыстары толық аяқталған. Бұл туралы Aikyn.kz хабарлады.
Жаңғырту аясында вокзалдардың инфрақұрылымы кешенді түрде жаңартылуда. Атап айтқанда, ғимараттар мен инженерлік желілер жаңғыртылып, платформалар мен вокзал маңындағы аумақтар реконструкциялануда. Сонымен қатар күту залдары кеңейтіліп, заманауи қауіпсіздік жүйелері, лифттер мен көтергіш құрылғылар орнатылуда.
Ерекше назар кедергісіз орта қалыптастыруға аударылуда. Тозу деңгейі жоғары нысандарда ескі ғимараттар толықтай бұзылып, олардың орнына заманауи жолаушылар кешендері салынуда.
