Қазақстан әлемдік рейтингте 77-орында

Global Relocation Index рейтингінде Қазақстан 192 елдің ішінде 77-орынға тұрақтады. Сарапшылар бағалау кезінде өмір сүру құны, қауіпсіздік деңгейі, денсаулық сақтау сапасы және салық тиімділігін ескерген.

АҚШ Мемлекеттік департаменті Қазақстанды қауіп деңгейі ең төмен мемлекеттер қатарына қосты. Зерттеуде 4 деңгей қарастырылған, ал Қазақстан Канада, Жапония, Португалия сияқты елдермен бірге бірінші деңгейде орналасқан.

Соңғы 7 жылда елімізде жоғары оқу орындарындағы грант саны 1,5 есеге артқан. Ғылым саласын қаржыландыру 6 есеге өскен. Ғалымдардың жалақысы 2 есе көбейіп, оларға 720 пәтер берілген.

Бұған дейін Қазақстан әл-ауқат индексінде 66-орында екені хабарланған болатын.