Әлем чемпионатының маскоты — Muzbalaq қыраны
Әлем чемпионатында 30 салмақта жүлде сарапқа салынады. Маскот — Muzbalaq қыраны. 18-23 қазанда оқу-жаттығу жиыны өтеді. Билеттер сатылымда.
Алдағы әлем чемпионатында еркін күрес, грек-рим күресі және әйелдер күресінен 30 салмақ дәрежесінде жүлделер ойнатылады. Жарысқа 100-ден астам елден 900-ге жуық спортшы қатысады деп күтілуде.
Чемпионаттың ресми маскоты ретінде қыран бейнесіндегі Muzbalaq таныстырылды.
Байрақты бәсекенің ерекшелігі — 18-23 қазан аралығында халықаралық бірлескен оқу-жаттығу жиынының өтуі. Бұл жиынға әлемнің 350-ге жуық үздік балуаны қатысып, жарыс алдындағы дайындығын пысықтайды.
Сонымен қатар, чемпионат билеттері бүгіннен бастап «Яндекс» қосымшасы арқылы сатылымға шығады.
Еліміздегі ауқымды доданы Qazsport телеарнасы тікелей эфирде көрсетеді.
