Ақмарал Ерекешева әлем чемпионатында булавамен жаттығуда 29,400 ұпай жинады
Германияның Франкфурт қаласында өтіп жатқан көркем гимнастикадан әлем чемпионатында қазақстандық гимнастшы Ақмарал Ерекешева өнерін сәтті аяқтады. Турнирдің қорытынды күнінде ол екі ұршықпен (булавамен) жаттығу финалында 29,400 ұпай жинады.
Ал таспа жаттығуының финалында қазақстандық спортшы 27,350 ұпай жинап, сегізінші орын алды.
Бұл әлем чемпионаты Ақмарал Ерекешева үшін ересектер арасындағы алғашқы әлем чемпионаты болды. Бұған дейін жас гимнастшы жеке көпсайыста әлемнің үздік алты спортшысының қатарына еніп, жоғары нәтиже көрсеткен.
