Ескелді ауданында өзеннен өте алмай қалған екі адамды құтқарушылар алып шықты

Жетісу облысының Ескелді ауданында Қора өзенінен өте алмай қалған екі ер адамға ТЖМ құтқарушылары көмек көрсетті. Оқиға күндізгі уақытта болған.

Ер адамдар өзеннен өтіп, кейін су деңгейінің көтерілуіне байланысты кері өздігінен өте алмай қалған. Құтқарушылар оларды өзеннің арғы бетіндегі қауіпсіз жерге өткізген. Медициналық көмек қажет болмаған.

ТЖМ азаматтарды табиғат аясында демалу кезінде қауіпсіздік шараларын сақтауға, қауіпті және жүруге қиын жерлерге бармауға шақырады. Төтенше жағдай туындаған жағдайда 112 нөміріне дереу хабарласу қажет.