«Челси» Сәтпаевты жалға беруді жоспарлап отыр

Лондондық «Челси» клубы қазақстандық шабуылшы Дастан Сәтпаевты 2026/27 маусымында жалға беруді қарастыруда. Бұл туралы Aikyn.kz сайты хабарлады.

«Халл Сити» 2025/26 маусымын Чемпионшип плей-офф финалында «Мидлсброны» 1:0 есебімен ұтып, Англия Премьер-лигасына жолдама алды. Осыған байланысты Сәтпаевтың жоғарғы дивизионда ойын тәжірибесін жинақтау мүмкіндігі туып отыр.

Маусым алдындағы Sydney Super Cup турнирінде Сәтпаев «Уэстерн Сидней Уондерерс» командасына қарсы ойында (6:4) «Челси» сапындағы алғашқы голын соқты. Бұл гол турнирдің үздік голы деп танылды. Сондай-ақ бұл Хаби Алонсо басқарған лондондық клубтың алғашқы голы болды.

Қазақстандық футболшы «Тоттенхэмге» (1:2) және «Ювентуске» (0:1) қарсы кездесулерде де алаңға шықты.

Дастан Сәтпаев 12 тамызда 18 жасқа толады, содан кейін ол «Челсидің» толыққанды ойыншысы атанады.