18 тамызда Астана мен 16 облыста дауылды ескерту жарияланды

Қазгидромет 18 тамызға арналған дауылды ескерту жариялады. Болжам бойынша, еліміздің солтүстік, шығыс және орталық аймақтарында жаңбыр, найзағай, кей жерлерде бұршақ жауып, жел күшейеді. Түнде және таңертең тұман түсуі мүмкін. Көптеген өңірлерде өрт қаупі жоғары немесе төтенше деңгейде сақталады.

Астанада жоғары өрт қаупі тіркелді. Ақмола облысының батысы, солтүстігі мен шығысында жаңбыр, найзағай, күндіз бұршақ және жел күшейеді. Түнде және таңертең солтүстік пен шығыста тұман болады. Оңтүстік, шығыс және орталықта жоғары, батыста төтенше өрт қаупі сақталады. Көкшетауда түнде және таңертең жаңбыр, найзағай күтіледі.

Солтүстік Қазақстан облысында түнде жаңбыр, найзағай, батыс, солтүстік және оңтүстікте бұршақ, екпінді жел болжанады. Күндіз шығыс пен оңтүстікте жаңбыр, солтүстікте аздаған жаңбыр жауады. Солтүстік, шығыс пен оңтүстікте найзағай, бұршақ, жел күшейеді. Түнде және таңертең батыс пен солтүстікте тұман түседі. Батыста және шығыста жоғары өрт қаупі күтіледі. Петропавлда түнде жаңбыр, күндіз өткінші жаңбыр, найзағай, бұршақ, екпінді жел, түнде және таңертең тұман болады.

Қостанай облысының батысы, солтүстігі мен шығысында жаңбыр, найзағай, күндіз бұршақ түседі. Түнде және таңертең батыс пен солтүстікте тұман болады. Облыста жоғары, оңтүстік, оңтүстік-шығыс пен орталықта төтенше өрт қаупі сақталады. Қостанайда түнде және таңертең жаңбыр, найзағай және тұман болжанады.

Павлодар облысының батысы мен солтүстігінде түнде жаңбыр, найзағай болады. Күндіз солтүстік, шығыс пен орталықта жаңбыр, найзағай, бұршақ түседі. Оңтүстік пен шығыста жоғары, орталықта төтенше өрт қаупі сақталады. Павлодарда күндіз жаңбыр, найзағай, бұршақ, төтенше өрт қаупі болады.

Қарағанды облысының батысы мен солтүстігінде жаңбыр, найзағай, бұршақ болжанады. Түнде және таңертең солтүстікте тұман түседі. Батыста, шығыс пен оңтүстікте төтенше, солтүстік-батыс пен орталықта жоғары өрт қаупі сақталады. Ұлытау облысы мен Жезқазғанда төтенше өрт қаупі бар.

Шығыс Қазақстан облысының солтүстігі, шығысы мен оңтүстігінде түнде жаңбыр, найзағай болады. Күндіз оңтүстік пен шығыста жаңбыр, найзағай, бұршақ, екпінді жел күтіледі. Түнде және таңертең солтүстік пен шығыста тұман түседі. Солтүстік-батыс, шығыс пен орталықта жоғары, оңтүстікте төтенше өрт қаупі сақталады. Өскеменде түннің алғашқы жартысында жаңбыр, найзағай болады.

Абай облысының шығысында жаңбыр, найзағай, күндіз бұршақ түседі. Облыста жоғары, оңтүстік пен орталықта төтенше өрт қаупі сақталады. Алматы облысының оңтүстігі мен шығысында жаңбыр, найзағай болады. Таулы аудандарда өткінші жаңбыр, найзағай болжанады. Батыс пен солтүстікте төтенше, оңтүстік, шығыс пен орталықта жоғары өрт қаупі сақталады. Қонаевта жоғары өрт қаупі бар.

Алматыда таңертең және күндіз аздаған жаңбыр, найзағай болады. Жоғары өрт қаупі сақталады. Іле Алатауы тауларында өткінші жаңбыр, найзағай күтіледі. Жетісу облысының таулы аудандарында өткінші жаңбыр, найзағай болады. Облыс аумағында және Талдықорғанда төтенше өрт қаупі сақталады.

Жамбыл облысында төтенше, шығыс пен оңтүстікте жоғары өрт қаупі бар. Таразда төтенше өрт қаупі тіркелді. Түркістан облысының батысында күндіз шаңды дауыл болады. Облыста, Шымкент пен Түркістанда төтенше өрт қаупі сақталады.

Ақтөбе облысының солтүстігі мен солтүстік-шығысында күндіз аздаған жаңбыр, найзағай болады. Орталықта жоғары, қалған аумақта төтенше өрт қаупі сақталады. Ақтөбеде төтенше өрт қаупі бар. Атырау облысының батысы мен оңтүстігінде күндіз жаңбыр, найзағай болады. Төтенше өрт қаупі сақталады. Атырауда күндіз өткінші жаңбыр, найзағай, төтенше өрт қаупі болжанады.

Маңғыстау облысының оңтүстігінде күндіз ауа температурасы 38 градусқа дейін көтеріледі. Облыста және Ақтауда төтенше өрт қаупі сақталады. Батыс Қазақстан облысының солтүстігінде күндіз жаңбыр, найзағай болады. Ауа температурасы 35 градусқа дейін көтеріледі. Облыста төтенше, солтүстік пен солтүстік-батыста жоғары өрт қаупі сақталады.