16 қыркүйекте 16 облыс пен Астанада ауа райы ескертулері жарияланды

Қазгидромет 16 қыркүйекке арналған ауа райы болжамын ұсынып, республиканың 16 облысы мен Астана қаласында ескертулер жариялады.

Астанада өрт қаупі жоғары деңгейде болады.

Ақмола облысында солтүстік-батыстан жел соғып, күндіз солтүстікте екпіні 15–18 м/с жетеді. Облыстың оңтүстігі, солтүстігі, шығысы және орталығында өрт қаупі жоғары.

Атырау облысының батысы, солтүстігі және оңтүстігінде күндіз аздаған жаңбыр мен найзағай күтіледі. Оңтүстікте өрт қаупі төтенше деңгейде сақталады.

Ұлытау облысында өрт қаупі төтенше деңгейде. Қарағанды облысында өрт қаупі жоғары, батысында төтенше.

Ақтөбе облысында оңтүстік және оңтүстік-шығыстан жел соғып, күндіз батыста, солтүстікте және орталықта екпіні 15–18 м/с жетеді.

Алматы облысының тау бөктері мен таулы аудандарында өткінші жаңбыр мен найзағай болады. Солтүстік-батыстан соққан жел солтүстік-шығысқа ауысып, күндіз шығыста және таулы аудандарда 15–20 м/с дейін күшейеді. Облыс бойынша өрт қаупі төтенше, оңтүстікте жоғары.

Батыс Қазақстан облысының солтүстігі, оңтүстігі және шығысында жаңбыр мен найзағай. Оңтүстік-батыстан соққан жел күндіз батыста, солтүстікте және шығыста 15–20 м/с дейін күшейеді.

Түркістан облысының батысында шаңды дауыл. Батыста және таулы аудандарда солтүстік-шығыстан соққан жел екпіні 15–20 м/с жетеді. Өрт қаупі төтенше деңгейде.

Маңғыстау облысының солтүстігі мен орталығында өрт қаупі жоғары, солтүстік-шығысында төтенше.

Солтүстік Қазақстан облысының солтүстігі, шығысы және оңтүстігінде жаңбыр мен найзағай. Түнде және таңертең батыста тұман. Батыстан, солтүстік-батыстан соққан жел екпіні солтүстікте, шығыста және оңтүстікте 15–20 м/с жетеді. Оңтүстік пен шығыста өрт қаупі жоғары.

Түнде Павлодар облысының солтүстігінде жаңбыр мен найзағай. Күндіз солтүстікте, шығыста және орталықта осындай. Солтүстік-батыстан соққан жел екпіні күндіз шығыста және орталықта 15–20 м/с жетеді. Облыста өрт қаупі жоғары.

Түнде және таңертең Қостанай облысының батысы мен солтүстігінде тұман. Оңтүстік-шығыста өрт қаупі.

Жамбыл облысының таулы аудандарында солтүстік-шығыстан соққан жел екпіні 15–20 м/с жетеді. Өрт қаупі төтенше.

Күндіз Шығыс Қазақстан облысының солтүстік-батысында жаңбыр мен найзағай. Солтүстік-батыстан соққан жел екпіні күндіз солтүстікте және шығыста 15–20 м/с жетеді. Облыста өрт қаупі жоғары.

Күндіз Абай облысының батысы мен солтүстігінде жаңбыр мен найзағай. Солтүстік-батыстан соққан жел екпіні күндіз батыста және солтүстікте 15–20 м/с жетеді. Облыста өрт қаупі жоғары, оңтүстігінде төтенше.

Жетісу облысының Алакөл көлдері ауданында солтүстік-батыстан соққан жел екпіні 15–20 м/с, кейде 23–28 м/с жетеді.

Кеше республика бойынша 3 орман өрті тіркелді.